Fáilte go

Ag Oscailt i Mí Aibreáin 2026

Tá Campas Íosagáin suite ar thailte scoile stairiúil agus is mol forbartha réigiúnach é i sráidbhaile Ghaeltacht Mhúscraí , Baile Bhuirne , Co. Chorcaí.

Deineadh athchóiriú agus uasghrádú iomlán ar an bhfoirgneamh agus anois is spás oibre comhroinnte é Campas Íosagáin atá curtha in oiriúint do ghnólachtaí. Tá réimse leathan tacaíochtaí oiliúna agus forbartha ar fáil ann. Tá an spás ar fáil don oibrí féinfhostaithe, do ghnólachtaí nuabhunaithe nó do chomhlachtaí ilnáisiúnta le go bhféadfaidís a bheith ag comhoibriú le chéile agus ag roinnt a gcuid eolais agus taithí.

Cibé acu spásanna comhoibrithe, oifigí príobháideacha, seomraí cruinnithe, áiseanna oiliúna, áiseanna oideachais atá uait, Campas Íosagáin agus é seo ar fad faoi aon díon amháin.

Seirbhísí

Pé riachtanas atá agat, oirfidh an áit seo go breá duit agus tú i mbun do chúraim.

Suíomh

Táimid cóngarach do chathair Chorcaí agus do Chontae Chiarraí agus mar sin an-oiriúnach mar áit chun gnó a bhunú ann nó chun cónaí ann.

Stair

Coláiste ullmhúcháin do mhúinteoirí scoile Éireannacha a bhí i gCampas Íosagáin ar dtús, ach tá stair fairsing ag baint leis an suíomh a théann siar go dtí 1933.

Bí i dteagmháil

An bhfuil fonn ort níos mó a fhoghlaim?

Na buntáistí a bhaineann le
Campas Íosagáin

Wifi ardluais

Wifi iontofa ardluais chun suaimhneas intinn a thabhairt duit agus tú i mbun do chuid oibre

Timpeallacht Chruthaitheach

Spás deas a spreagann cruthaitheacht agus inspioráid.

Deiseanna líonraithe

Spás comhroinnte a thugann deis duit bualadh le daoine nua a d’fhéadfadh cur le do ghnó.

Go leor Áiseanna

Tá gach saghas áis ar fáil duit anseo. Caife saor in aisce, sneaiceanna, seirbhís priontála agus go leor eile.

Solúbthacht

Bí ag teacht is ag imeacht mar a oireann duit. Beidh teacht agat ar Champas Íosagáin pé am is maith leat.

Atmaisféar Dearfach

Táimid tiomnaithe don dearfacht, uileghabhálacht, agus spraíúlacht. Cuirimid fáilte chroíúil roimh chách. Táimid anseo chun tacú leat, misneach a thabhairt duit agus meangadh gáire a chur ar d'aghaidh!

Líonra Tacúil

Tá Campas Íosagáin bródúil as a bheith mar chuid d’éiceachóras gnó rathúil, le tacaíocht ó Údarás na Gaeltachta.