Ár Stair
Tá Campas Íosagáin bródúil as an stair shaibhir a tháinig roimhe.
Bhí Coláiste Íosagáin ina chrann taca tábhachtach de phobal Bhaile Bhuirne agus mar a tháinig roimhe, tabharfaidh Campas Íosagáin saol nua don cheantar freisin.
Coláiste Íosagáin
Tógadh Coláiste Íosagáin i ndá chéim ar dtús. Cuireadh tús leis an gcéad chéim sa bhliain 1933 agus críochnaíodh an dara céim sa bhliain 1939. Tógadh an Coláiste mar scoil chónaithe do bhuachaillí ag Oifig na nOibreacha Poiblí (OOP) agus osclaíodh go hoifigiúil é sa bhliain 1940, ag glacadh leis na chéad daltaí ar an 3 Meán Fómhair faoi mhaoirseacht na ndeartháireacha Críostaí.
Coláiste ullmhúcháin a bhí ann, agus scoth na scoláirí ó cheann ceann na tíre ag freastail air, le súil is go mbeidís ar an gcéad ghlúin eile de mhúinteoirí scoile. Fuair scoláirí ann oideachas den chéad scoth ann agus bhí sé de ádh acu páirt a ghlacadh i ngníomhaíochtaí seach-churaclaim, go háirithe CLG, drámaíocht, lúthchleasaíocht agus cispheil. Anuas air sin, bhíodh am saor ag na scoláirí chun dul síos ar an sráidbhaile agus níos faide ar siúl, nuair nach rabhadar gafa lena gcuid staidéir nó cleachtais creidimh.
D’fhreastail pearsana cáiliúla Éireannacha ar an gcoláiste ar nós seanscéalaí tráchtaireachta CLG, Mícheál Ó Muircheartaigh a d’fhreastail ar feadh trí bliana agus iarbhainisteoir CLG Chiarraí, “Mickey Ned” O’Sullivan a chuaigh ar aghaidh le bheith ina mhúinteoir i gColáiste Íosagáin tar éis a laethanta mar mhic léinn.
Ar an drochuair, agus chuir sé díomá ar iardhaltaí agus ar phobal na háite nuair a dúnadh Coláiste Íosagáin sa bhliain 1989 sular cheannaigh Údarás na Gaeltachta é sa bhliain 1998. Bhí an foirgneamh díomhaoin go dtí 2023 nuair a thosaigh na hoibreacha ar an bhfoirgneamh íocónach a athrú ina mhol digiteach nua chun an ceantar áitiúil a athnuachan agus infheistíocht isteach a spreagadh ní hamháin i mBaile Bhuirne , ach in Éirinn ina hiomláine.
Ní deireadh Choláiste Íosagáin é seo, ach tús Champas Íosagáin.