Tacaíochtaí Do Ghnólachtaí Nuabhunaithe
Tuigimid go mbíonn sé deacair do ghnó nua féin a bhunú. Ach tá tú tagtha chomh fada seo – maith thú! Ag Campas Íosagáin tá meas ar leith againn orthu siúd go bhfuil sé de chrógacht acu tabhairt faoi shaol chorraitheach na ngnólachtaí nuabhunaithe.
Agus is í sin an chúis gurb é ár rún i gcónaí cabhrú libh in aon slí gur féidir linn.
Seo thíos cuid de na rudaí atá á thairiscint againn duit
Comhairle ó Shaineolaithe
Tá ár bhfoireann de lucht gnó gairmiúil le taithí fhada acu anseo chun cabhrú leat ar gach céim ded' aistear. Ó do phlean gnó a ullmhú chuig maoiniú a aimsiú agus margaíocht a dhéanamh ar do tháirge, tá gach rud clúdaithe againn. Agus mura bhfuil a fhios againne, aimseomid duine éigin duit go bhfuil an t-eolas sin acu
Imeachtaí & ceardlanna
Bíonn imeachtaí agus ceardlanna á reáchtáil againn go rialta chun cabhrú leat faobhar a chur ar do scileanna agus fanacht suas chun dáta maidir leis na claonta agus deachleachtais is déanaí. Ó aoi-chainteoirí go himeachtaí sóisialta, bíonn rud éigin ar siúl i gcónaí. Agus má bhíonn cabhair nó traenáil áirithe de dhíth ort, ní gá ach é a rá linn. Déanfaimid ár ndícheall cabhrú leat.
Áiseanna Úrscothacha
Tá gach rud againn a d'fhéadfadh a bheith ag teastáil uait chun do ghnó a rith ar chaighdeán gairmiúil, le hidirlíon ar ardluas, teicneolaíocht cheannródaíoch agus spásanna oibre compordacha.
Pobal tacúil
Bíonn sé cruaidh deacair do ghnó féin a bhunú, ach ní gá duit a bheith i d'aonar. Tá ár bpobal anseo chun tacú leat, misneach a thabhairt duit agus ceiliúradh a dhéanamh nuair a éiríonn leat. Ar scáth a chéile a mhaireann na daoine!
Deiseanna líonraithe
Is baile é ár spás oibre comhroinnte ag pobal éagsúil d'fhiontraithe agus ceannairí gnó. Beidh an deis agat nasc a dhéanamh le daoine ar aon dearcadh leat féin, foghlaim óna gcuid taithí, agus b'fhéidir fiú comhoibriú leo ar fhiontair nua.
Tabhairt cuairt orainn, mar sin, chun ár roghanna spáis oibre a fhiosrú, féachaint cad a oireann duitse agus dod' bhuiséad
Seo linn ag fíorú d'aislinge!
